S'abberit sa mendula

S’abberit sa méndula
-luna ‘e seda
fogu ‘e nie-
a su coraddu de sos ojos tuos
e dae chelos lontanos
bolos pintirinat
e nidos.
 
Tzedit sa pedralana
e dae sos muros burdos
galu sonnigosa
s’accherat sa tiligherte.

E finas deo m’abberzo
a istajones noales,
o sole meu imbénnidu,
piuncu d’avréschida
nidu
-tue ebbia-
de dantzas a s’iscultza
subr’arzolas de ispigas solianas.
 …
No at segretos
(e tue l’ischis, prenda mia!)
su ‘entu de sa biadia.

Antoninu Rubattu (Tonino Mario Rubattu) Copywrite 2013

WebMaster Franco Piga (Romana 'SS') - Sito online dal 1 settembre 2013