Sos ojos tuos

Oh, sos ojos tuos,
sos ojos tuos de chelu!
Ammentos d’isperas
de ‘isos innotzentes
de s’andada pitzinnia.
Bolant lezeras sas rùndines
cuntentas sas mariposas
in custu ‘Eranu ch’avanzat.
S’istajone est bella
e imbozat a sonniare!
In tottue càntigos,
fiores, colores!
Ma cust’ànima,
custu coro
prite non sònniant prusu?
Sulcu profundu,
tuvuccu pius de sa Morte
b’at iscavadu
sa tàrula ‘e su tempus.
Boladas,
boladas attesu
sunt sas rùndinas mias
ne chi torrent tenzo ispera!
E puru….. sos ojos tuos,
pitzinna,
sos ojos tuos de chelu
mi nàrana ancora:
-Ama!

Antoninu Rubattu (Tonino Mario Rubattu) Copywrite 2013

WebMaster Franco Piga (Romana 'SS') - Sito online dal 1 settembre 2013